By DANTE A. LAGANA
KINUMPIRMA ng isang makeup artist ang pagiging isnabera at supladita ng isang aktres na produkto ng isang sikat na reality show sa malaking network.
Walang kagatul-gatol sa pagkukuwento ang source na talagang may pagka-isnabera at supladita ang aktres na karelasyon ng guwapong aktor na member ng all-male group na sumasayaw sa pantanghaling programa. Minsan ding nagka-issue na naghiwalay na ang dalawa.
Sa pagkakakuwento ng source, nang minsang makapagmake-up siya ng artista na lumalabas sa weekend show na pantanghali, nakita raw niya ang aktres sa dressing room at doon niya na-witness na hindi man lang daw talaga ito ngumingiti o namamansin ng kunsinuman. At palagi pa itong nakasimangot.
Kapansin-pansin
Samantala, kapansin pansin ang katabaan ng isang sikat na aktor sa bago niyang primetime show. Hindi niya naitago ang katabaan niya sa suot niyang costume.
Tumatawa ang mga nakakapanood dahil usually daw ang mga super hero ay may magandang pangangatawan at physically fit. Kabaligtaran daw ito sa aktor na bida ng primetime show. Namumutok daw ang mukha ng aktor doon sa costume na suut-suot niya. Sana man lang daw pinahandaan nitong mabuti ang pagganap sa ganoong klaseng character.
