SPOTTED sina Ruru Madrid at Bianca Umali na magkasamang nagbakasyon sa Siargao kamakailan. Isang netizen ang nag-post sa socmed ng pictures nila together na hindi maikakailang sila nga ‘yun.
Ayon sa report, nag-island hopping at nag-surfing lessons sina Bianca at Ruru. Hindi nabanggit kung may iba silang kasama sa bakasyon nila sa Siargao.
Prior to that, spotted din sina Ruru at Bianca sa isang resto-bar sa Nagoya, Japan.
Maraming netizens ang kinikilig kina Ruru at Bianca. Bagay daw sila at tinawag nilang RuCa ang kanilang “tambalan” kahit hindi pa sila nagkakasama sa isang project. Puwede ring RuBi, di ba? Request nila sa GMA Network na pagsamahin sa isang teleserye sina Ruru at Bianca.
Paano na ang BiGuel love team nina Miguel Tanfelix at Bianca Umali? Goodbye Miguel, hello Ruru na ba?
Heto pa ang tsika, bukod sa may matching tattoos na rose stencil sina Bianca at Ruru, may matching crescent moon necklaces pa sila.
Balik-Kapamilya
Balik-Kapamilya si Keempee de Leon at kasama siya sa isang upcoming teleserye na tatampukan nina Cristine Reyes at Enzo Pineda. Kasama na rin si Keempee sa shoot ng Christmas Station ID ng ABS-CBN. Every year ay inaabangan ito na for sure, this year ay aani na naman ng papuri at paghanga ang naisipang konsepto para sa Holiday celebration.
Gumawa noon si Keempee ng ilang teleserye sa ABS-CBN. Then, nag-ober da bakod siya sa GMA7. Naging mainstay siya sa “Eat Bulaga,” pero tinanggal siya sa naturang noontime show in 2016. Clueless si Keempee kung bakit, pero may nakausap kaming EB insider at sinabi sa amin ang dahilan. Alam daw ni Joey de Leon (Keempee’s daddy), pero hindi na ito kumibo at nirespeto ang desisyon ng EB management.
Inggit
Inggit-inggitan daw si Dennis Trillo kay Dingdong Dantes na may maganda at masayang pamilya. Naiisip na rin daw niyang mag-asawa na.
“Mangyayari ‘yan. Malapit na,” ang sabi ni Dennis sa mga nakausap na reporter sa isang gathering. Of course, si Jennylyn Mercado ang gusto niyang pakasalan. Pareho silang may anak out of wedlock. Si Alex Jazz kay Jen at si Calix kay Dennis.
