NA-DISAPPOINT daw ang source namin sa isang aktor na madalas mapanood ngayon sa isang serye sa isang malaking network.
Minsan daw kasi napanood niya ito sa sa isang eksenang grabe sa drama.
Akting to the maximum level daw dapat ang eksenang yun ngunit hindi raw nakasabay ang aktor sa mga kapwa niyang artistang bigay todo kung umarte.
Hindi rin daw niya maintindihan yung linyang binitawan ng aktor sa eksenang iyon.
Hindi rin daw sapat yung reaksyong ipinakita nito na kung saan ay dapat sobrang lungkot ang nadarama ng kanyang karakter.
Ang direktor kaya ng show ang nagkulang o talagang hilaw pa ang aktor?
Matagal-tagal na rin sa show business ang aktor at dapat daw ay lumevel up na ito. E wala pa raw yata siyang matandaang akting awards na nakuha ito.
Pero sa tindig, katawan at hitsura e hindi magpapahuli ang ating subject. Kahit nga mga baguhan ay kaya nitong sabayan pagdating sa looks.
Sino siya? Well, dati na rin siyang pinagusapan noon sa paglabas sa isang big event na laging sinusubaybayan ng karamihan.
‘Yun na! (DANTE A. LAGANA)
