HOW true kaya na diumano, lalayasan na rin ni Nadine Lustre ang kanyang home studio? Ayon sa nasagap naming tsika, diumano’y hindi na masaya si Nadine sa Viva Entertainment Company kaya aalis na rin siya kahit hindi pa tapos ang kontrata niya sa kumpanya.
Sino naman kaya ang magiging manager ni Nadine sakaling ituloy niya ang pag-alis sa Viva? Hindi kaya ang daddy rin ni James?
DINALAW
Nasa New York ngayon si Sharon Cuneta. Dinalaw niya ang anak na si Frankie Pangilinan na doon nag-aaral.
Iba talaga kapag can afford. Madali kay Sharon bumiyahe from here to New York and back again. Parang Quiapo at Divisoria lang.
Ipinag-grocery, ipinag-shopping, ipinamili ng Megastar si Frankie ng mga kailangan nito. Sinagad din nila ang mother-daughter bonding.