BAGAMA’T uso ngayon sa mga kapwa niyang artista na 40-up ang edad, hinding-hindi raw gagawin ni Judy Ann Santos ang magpaka-daring sa anumang proyekto – pang TV man ito o pelikula.
Ani Juday, hindi raw kaya ng “powers” niya ang mga ganun.
Mag kontrabida payag daw siya pero para magpa-sexy? No way.
“Ibigay na natin yan sa iba, okay na ako siguro mag-kontrabida,” sey niya.
Paano kung maganda ang project at swak din ang leading man?
“Kahit na! Nagawa ko na din naman somehow ‘yan noon, ‘yung panahon na lumabtim-loveteam ako, nakipaghalikan din naman ako onscreen noon pero ‘yun na ‘yun na ‘yun!”
Pero diba may kasabihan “never say never,” giit namin.
“Sa iba siguro, oo, pero ako, graduate na ako dun, tapos na ako dun. Dyusko, may mga anak na ako, may asawa na ako!
“Whatever I do, I consider my children first and then my husband. Sa kanila talaga ang focus ko.
“I know na it’s part of being an actress, to just accept whatever role na bigay sa iyo. Pero para sa akin kasi, tapos na ako dun. Nagawa ko na siya. Ngayon ang focus ko is my family.”
Okay, fine! (DELIA CUARESMA)
