BY DELIA CUARESMA
MATAGAL-TAGAL na rin hindi nagpapakita si Erich Gonzales sa telebisyon.
Kasali dapat siya sa upcoming na “Love Thy Woman” kasama sina Xian Lim at Kim Chiu pero bumitaw siya rito.
Ang siste, ayaw daw nito ng kontrabida roles.
May ganun?
Anyway, pinalitan siya agad-agad ni Yam Concepcion.
Sa nagtatanong kung naasan na ngayon si Erich well, nasa tabi-tabi lang siya.
Bakasyon engrande ang bruha sa Samal Island, Davao, over the weekend.
At para di gaano ma-miss ng fans, nag-post ito ng photo niya doon.
Hindi lang ito basta kung anik-anik na photo huh?
Nakabikini ang dalaga na wow na wow pa rin sa kaseksihan.
Aniya sa caption, “My kind of weekend.”
Patok sa mag-inang Danica Sotto at Dina Bonnevie ang litrato.
Ani Danica, “Guapa!”
Dagdag naman ni Ms. D, “Hot!”
Ang tanong, sasayangin lang ba ng ABS-CBN ang alindog na ito?
Kelan kaya ang sunod na project ni Erich?
Huli siyang napanood sa telebisyon last year pa via “The Blood Sisters.”
Magbalik ka na Erich, miss ka na namin!
