A JAPAN nag-celebrate ng kanyang 26th birthday si Jak Roberto noong December 2 kasama ang girlfriend niyang si Barbie Forteza. Nagpa-picture sila sa Sapporo Clock Tower at may Yakiniku night pa ang sweet couple.
Mapapanood ang Japan trip nila sa vlog channel ni Jak na may 600K nang subscribers.
Sinusulit nina Barbie at Jak ang maluwag nilang schedule ngayong Holiday Season. Next year ay magiging busy na si Barbie sa bago niyang teleserye sa GMA7, ang “Anak ni Waray vs. Anak ni Biday” with Kate Valdez. Kasama sa cast sina Snooky Serna, Dina Bonnevie, Teresa Loyzaga, Migo Adecer, Jay Manalo, Celia Rodriguez at Faith da Silva.
Si Jak naman ay napapanood sa “Bubble Gang.” Three years na sila together ni Barbie at getting stronger ang kanilang relasyon.
AYAW PA
Hindi nakarating si Glaiza de Castro sa Luna Awards Night kung saan nanalo siyang best actress para sa pelikulang “Liway.” Nagkataong kasal ng younger brother niyang si AlChris na ginanap sa resort nila sa Baler, Quezon.
Hindi naman siya napi-pressure kung naunahan pa siyang mag-asawa ng bunso niyang kapatid. Ani Glaiza, wala pa silang balak ng Irish boyfriend niyang si David Rainey. Enjoy-enjoy lang muna sila kung ano’ng meron sa kanilang LDR (Long Distance Relationship). Madalas itong dumadalaw sa Pilipinas para magkasama sila.
Balak ng kanyang BF na mag-invest ng business sa Pilipinas. Baka raw magsosyo pa sila, ayon kay Glaiza nang nakausap ng press sa Christmas Party ng GMA para sa press.
Ibinalita rin ni Glaiza na dalawa ang bagong projects niya sa GMA. Isang Afternoon Prime series at isang musical show. Ito ang papalit sa “Sunday Pinasaya.”
LIVE-IN
Walang kiyemeng inamin ni Louise delos Reyes na nakikipag-live-in siya sa non-showbiz boyfriend niya. Wala siyang pakialam sa bashers dahil aniya, magtu-2020 na.
Ulilang lubos na si Louise. Magkasunod na taon namatay ang kanyang parents. Namatay noong 2018 ang kanyang daddy at 2019 naman ang kanyang mommy.
Ani Louise, mas nakakatipid siya sa mga gastusin sa bahay dahil share sila ng kanyang BF.
