SUPALPAL ang ilang netizens na nagpakalat ng tsismis na may bagong apple of the eye si Alden Richards.
Dawit dito ang kilalang gamer na si Bianca Yao.
Kapwa naglalaro ng DOTA (Defense of the Ancients) sina Alden at Bianca.
Nagkataon na binigyang suporta ni Alden si Bianca sa pamamagitan ng pagbigay ng stars habang nagla-live stream ang dalaga.
Ang stars ay currency sa Facebook na may katumbas na pera.
Siyempre, nag-thank you si Bianca.
“Hi Alden thank you for the stars,” saad nito.
“Sige na nga di na kita bubugbugin, aalagaan na lang kita,” pabiro niyang dagdag.
Mantakin mong bigyan agad ng kulay ng mga malisyosong netizens ito?
May ilan pang umalma at ipinaramdam agad kay Bianca na hindi nila type ito para sa kanilang idolo. Wow, huh!
Di kalaunan ay nag-post ng paliwanag si Bianca. “Gusto ko lang linawin na walang nagbibigay malisya rito. Katuwaan lang naman ito,” simula niya.
Diin pa ng gamer, “Lagi kong sinasabi na hindi lang ako ‘yung binibigyan niya ng stars. Hindi lang ako ang binibigyan niya.
“Kaya wag niyo pong bigyan ng malisya lahat ng bagay na ginagawa niya.”
“At saka ngayon ko lang sasabihin ‘to. Wala pa nga sa getting to know part e! Gusto agad? Wala ‘yun!”
O, gets niyo na?
