Sama-sama

SANIB-puwersa ang mga comedians mula sa magkatunggal­ing Kapuso at Ka­pamilya networks para tulungan ang mga frontliners sa mga pangangailangan nila sa patuloy na pag­papairal ng en­hanced commu­nity quarantine dahil na rin sa pesteng COVID-19.

Tila ceasefire muna ang net­work wars sa ef­fort ng grupo, huh!

Lalo na nga’t halos buong cast ng “Bubble Gang” ng GMA at “Ba­nana Sundae” ng ABS-CBN ang nakiisa para sa magan­dang layunin.

Pinangunahan nina Ogie Acasid, Herbert Bautista, Janno Gibbs, ang Padilla brothers na sina Dennis at Gene ang pagbuo ng grupo na tinawag nilang Covidyante at nag-iiisip pa sila ng gagawin upang makatulong.

Kasama rin nila si Vhong Navarro na nag-suggest ng iba’t ibang challenge para ipakita ang suporta sa frontliners.

Sina Janno Gibbs at Jerald Napoles naman ang nama­hala sa social media account ng grupo habang si Ai Ai de las Alas ang magbi-bake ng tinapay para ipamigay sa iba’t ibang sec­tors.

Sumapi rin sina Joey Mar­quez, Michael V, Kim Molina, Randy San­tiago, Paolo Contis, Giselle Sanchez, Gelli de Belen, Ryan Bang at Candy Pangili­nan.

Inaasa­han din ang pagsama sa Covidyante ng iba pang kom­edyante.

Ang offi­cial hashtag ng grupo ay #PunchlinersForFrontlin­ers.