BY RUEL MENDOZA
*
MAY gumagamit ng mukha at pangalan ni Mark Bautista sa social media bukod sa kanya.
Pinaalam niya ito sa kanyang mga fans sa pamamagitan ng pag-post ng panayam ng kanyang poser sa isang netizen.
Aniya, “Guys this is not me. Blocked the account already. If you happen to receive DM’s from this person kindly ignore or block the acct. Thank you.”
Laganap ngayon ang mga fake accounts na gamit ang pangalan ng mga celebrities.
Ginagamit ang mga fake accounts na ito para makapanghingi ng donasyon na pangtulong daw sa mga frontliners. Bukod kay Mark, nagkaroon din ng fake social media accounts sina Marian Rivera, Paolo Ballesteros, Maine Mendoza, at Willie Revillame.
