BY RUEL MENDOZA
*
HINDI naging hadlang ang patuloy na pagpapatupad ng Enhanced Community Quarantine (ECQ) sa 28th birthday celebration ng Reina Hispanoamericana 2017 title holder na si Teresita Ssen “Winwyn” Marquez.
Noong nakaraang May 4 ay nakasama ni Wyn sa kanyang birthday ang kanyang pamilya habang naka-quarantine.
Ani ng seksing-seksing anak ni Joey Marquez at Alma Moreno, “This is not the birthday I planned but I am happy to have spent it at home with my family and got connected with some family members and friends throughout the day through different platforms.”
Imbes na wish para sa sarili, naging birthday wish ng former beauty queen na tuluyan nang mapuksa ang COVID-19 para bumalik na sa normal ang buhay ng maraming tao, hindi lang sa Pilipinas, kundi pati sa buong mundo.
“When I blew my candle, all I wanted is for everyone to stay healthy and safe, and that this pandemic will end. Let us not allow fear and anxiety to rule over us.”
Happy naman si Wyn na makatanggap ng birthday greetings mula sa kanyang mga kaibigan tulad nina Rodjun Cruz, Pancho Magno, Rochelle Pangilinan at marami pang iba.
