GINAWAN ng kanta ni DJ Squammy ang viral na explanation ni Kim Chiu ukol sa ABS-CBN. Pinamagatan itong “Bawal Lumabas.”
Sey ni Kim, “Ginawa niya (DJ Squammy) akong composer at napanood ko ‘yung viral videos na ginawa niya na merong classical, acoustic (version).”
Ani DJ Squammy ginawan niya ng positive outlook ang mga pahayag ng dalaga dahil nga bina-bash ito.
Inamin ni Kim na sumama ang loob niya nang mapanood ang video dahil pakiramdam niya pinaglaruan ang sinabi niya pero nu’ng mismong mga pamangkin na niya ang naaliw at sumasayaw na rin, natuwa siya.
Sobrang pasalamat ng dalaga kay DJ Squammy.
“Kahit malungkot ang bansa natin, at least nagawa ko ‘yung part ko na mag-entertain ng tao dahil sa ginawa mong beat (music),” natawang komento ni Kim. “You brought people together para sumayaw at sumaya sila.”
Samantala, kinanta ni Kim ang full version ng “Bawal Lumabas” na ini-record niya sa kanyang kuwarto gamit ang laptop. (Reggee Bonoan)
