BY RUEL MENDOZA
*
PAGKATAPOS ng apat na buwang pahinga sa social media, muling nagbabalik ang model-turned-actor na si Clint Bondad.
Sa kanyang Instagram, nag-post ito ng photo ng mga alaga niyang aso.
Nang tingnan ng netizens ang kabuuan ng IG ni Clint, hindi pa rin niya dini-delete ang photos ng ex-girlfriend niyang si Miss Universe 2018 Catriona Gray kahit karelasyon na ng huli ang aktor na si Sam Milby.
Pakiramdam ng netizens ay hindi pa rin kayang i-let go ni Clint ang higit na anim na taong relasyon nila ni Catriona.
Last year ay na-link si Clint sa CEO ng JKN Global Media Public Company Limited na si Anne JKN na taga-Thailand.
Pero parehong pinabulaanan ni Clint at Anne ang tsismis.
Anila parang magkapatid lang ang turingan nila sa isa’t isa.
Sa ngayon ay wala pa rin komento si Clint sa relasyon ni Catriona at Sam.
