BY RUEL J. MENDOZA
*
May quarantine baby rin ang “StarStruck 3” First Princess na si Iwa Moto.
Pinost ni Iwa sa kanyang Facebook kamakailan ang sonogram ng second baby nila ng kanyang partner na si Pampi Lacson.
“Hello there little one.. We are all excited to meet you. But for now chill ka muna dyan. Magpalaki ka at magpalakas. Wag mo na pahirapan si mommy hah.. Love you,” caption pa ni Iwa na ang due date ay sa 2021.
Pitong taong gulang na ang panganay nila Iwa at Pampi na si Hiromi Aiko Eve na pinanganak noong September 2013.
Balitang masaya ang ex-wife ni Pampi na si Jodi Sta. Maria noong makarating sa kanya ang news na buntis ulit si Iwa. Magkakaroon daw ulit ng kapatid ang anak niyang si Thirdy.
Sa mga hindi pa nakakaalam, good friends sina Iwa at Jodi. Bago ang pandemic, laging magkasama ang dalawa kasama ang kanilang mga anak. Nagbo-bonding din sila kapag sabay silang mag-workout at paggawa ng TikTok videos.
