BY RUEL J. MENDOZA
*
Star-studded ang ginanap na virtual baby shower para sa baby boy nina Rodjun Cruz at Dianne Medina kamakailan.
Noong April ay binalita ng celebrity couple na ipinagbubuntis ni Dianne ang kanilang first baby at noong June ay nagkaroon sila ng virtual gender reveal party.
Dahil sa new normal, naisipan muli ng soon-to-be-parents na gawing online ang baby shower ng kanilang baby boy na may pangalang Rodolfo Joaquin Diego III.
Nakisaya sa online baby shower sina Rayver Cruz, Janine Gutierrez, Sunshine Cruz, Donna Cruz, Geneva Cruz, at Djanin Cruz.
Nagpasalamat naman si Rodjun sa lahat ng dumalo sa kanilang intimate virtual baby shower.
“Thank you talaga Family! Love namin kayo! Siguradong super happy ni Baby Rodolfo Joaquin Diego III.”
