BY JUN NARDO
Usapang sex ang isa sa naging topics ng mag-inang Aiko Melendez at Andre Yllana sa latest vlog ng “Prima Donnas” star.
Diretsong tanong ni Aiko sa 21-year-old na anak, “May question ako: Virgin ka pa ba?”
“Ang bulgar naman nu’n. Siyempre, 21 na ako. Siyempre hindi na,” tugon ni Andre.
“Naka-shock naman ‘yon. Eh talaga?” reaksyon ni Aiko.
Tanong ni Andre sa ina, “Ikaw? How old were you?”
Sinagot ni Aiko ang tanong ng anak.
“I was 22. Noong 22 ako, ‘yung tatay mo pa ‘yung, basta ‘yun.
“Ang first boyfriend ko si Aga (Muhlach) pero walang nangyari sa amin, hello.
“Mamatay man, ito nagkamalas-malas na, wala talagang nangyari sa amin. Wala talaga. Peksman. Cross my heart” diin ni Aiko.
May non-showbiz girlfriend si Andre, si Jenelle Ong. Payo niya sa bagong henerasyon kasama ang anak ay mag-practice ng safe sex.
“Gusto kong iparating sa nanonood sa atin may tamang panahon sa lahat ng bagay.”
Barkada man ang relasyon ng mag-ina, respetado ni Andre ang ina.
