BY DANTE A. LAGANA
Good vibes ang recent live stream sa Facebook ng Star Magic, huh!
Pinangunahan ito ni Robi Domingo kasama ang cast ng “A Soldier’s Heart” na sina Gerald Anderson, Nash Aguas, Yves Flores, Jerome Ponce at Elmo Magalona.
Ang siste, ibinuking ng mga co-actors ni Jerome sa show ang matagalang bakasyon nito sa Boracay.
Ayon kay Jerome, nangyari ito dahil sa mahaba-habang break nila sa shooting.
Ang hindi niya inakala, pagdating niya sa Boracay, magkakaroon na uli sila ng schedule.
So, habang bakasyon grande siya sa Boracay, todo trabaho naman ang kanyang mga co-stars!
Pambubuking ni Gerald, since wala nga raw si Jerome sa taping napunta raw ang isang magandang eksena nito kay Yves.
Sinisi ni Yves si Jerome dahil inuna pa raw nito ang bakasyon.
Nauwi sa tawanan ang grupo sa kanilang kulitan at revelations.
Ayos!
