BY ALEX CALLEJA
Ang column na ito ay ginawa para sa mga taong may suliranin sa buhay na gusto ng agarang solusyon! Walang maliit o malaking problema, lahat dito, pantay-pantay! Huwag niyo nga lang seseryosohin kasi hindi lahat ng mababasa niyo dito totoo! Good vibes lang! Simulan na natin!
*
Hi Alex,
May posibilidad daw bang hindi matuloy ang eleksyon sa May 9, 2022 dahil madami raw ang takot bumoto. Nakita ko kasi sa Facebook na ito ata ang gustong mangyari ni Rep. Mikey Arroyo. Paano kaya ang mangyayari kapag walang naganap na botohan sa 2022, paano ang mga politiko na gusto mo ng palitan dahil hindi maganda ang serbisyo, paano na ang mga government officials na hindi naman nagtratrabaho at kurakot lang ang inaatupag? Anong mangyayari sa kanila kung walang magaganap na eleksyon?
Macoy ng Davao
Hi Macoy,
Base na rin sa sinasabi mo sa email mo, paano na ang mga politiko na hindi nagseserbisyo at nangungurakot lang, kasama na dito ang government officials. Sa totoo lang, ang mga tao eh hindi takot bumoto, ang takot eh ‘yung mga nasa puwesto kasi kapag napalitan sila, simula na ng imbestigasyon nila! Haaaaay! Pero ang mas nakakatakot eh sa 2022 pa ang eleksyon! Ibig bang sabihin eh may COVID-19 pa rin tayo nun? Eh baka ang ibang bansa eh COVID-30 na ang problema eh tayo nasa COVID-19 pa rin! Focus na muna tayo sa problema ngayon at saka na ‘yang 2022!
*
Hi Alex,
Babalik na raw ang PBA sa Oct. 9! Excited na ako kasi panahon na para naman makita natin na kahit paano eh bumabalik na tayo sa normal. Ang isa lang nakakalungkot eh hindi pa rin pala makakalaro si Calvin Abueva! Idol ko siya eh! Kasama pa naman siya sa line-up ng Phoenix. Bakit ba ayaw paglaruin si Calvin Abueva eh?
Celine ng Pandacan
Hi Celine,
Salamat at sa’yo ko nalaman na babalik na pala ang PBA. Sa tanong mo naman na bakit hindi pinayagang maglaro si Calvin Abueva eh para sa akin, PBA lang ang makakasagot niya. Baka takot sila na manakit o manggulo na naman si Abueva kapag pinaglaro. Saka nasa loob sila ng bubble kaya hindi sila makakauwi at walang labasan, na baka sa loob ng court eh may mapikon kay Abueva, dalhin hanggang sa labas ng court at magsakitan sila. Pero sa totoo lang, naaawa na ako kay Abueva! Biruin mo, mas takot sila sa masamang mangyayari kapag naglaro siya kesa sa COVID-19!
*
Sa gustong magtanong sa akin, email lang kayo: alexcalleja1007@ yahoo.com or facebook/twitter/ instagram: alexcalleja1007.
