BY RUEL J. MENDOZA
Hindi napigilan ni Regine Velasquez-Alcasid at Zsa Zsa Padilla na paglaruan ang singer na si Jona kamakailan.
Ito ay matapos na magpasiklab ni Jona nang sariling version ng first single ni Regine na “Love Me Again” sa “ASAP Natin ‘To” noong nakaraang Linggo.
Pabirong binantaan ni Regine si Jona via Twitter.
Aniya, “Palakpakan @MsJ0NA wag kang dadaan sa kanto namin ha nako sinasabi ko sayo! O ano may magrereklamo pa ba dyan?”
Sinakyan naman ito ni Zsa Zsa.
Tweet niya: “Hahaha! Pina uwi ko na nga!!! Sabi ko andyan na car mo!!! Ang galing! Che!”
Game naman na nag-react si Jona sa mga pang-aasar ng mga ito.
Sey niya, “Sensiya na po Ate and Ms. Z… matindi lang po talaga pangangailangan ngayong araw #ResbakerMulaSaAlbay.”
