BY JUN NARDO
Kilig-kiligan si Barbie Forteza dahil napansin ng idolong foreign singer na si Selena Gomez ang dance cover niya ang song collaboration nito with the K-pop group BLACKPINK na may pamagat na “Ice Cream.”
Ipinost ni Selena sa kanyang Instagram ang video ni Barbie na parte ng Tiktok “Ice Cream” Dance Challenge.
Sa ngayon, meron nang mahigit 2.5M views at 320K likes ang “Ice Cream” dance cover ni Barbie sa Tiktok.
Siyempre pa, proud and bida ng Kapuso series na “Anak ni Waray vs Anak ni Biday” dahil hindi niya akalaing mapapansin siya ng kanyang idolo, huh!
SA WAKAS!
Engaged na ang aktres na si Empress Shuck sa ama ng kanyang anak na si Vino Guingona.
Nangyari ang proposal ni Vino sa nakaraang birthday ng anak nilang si Athalia.
Tinulungan si Vino ng kapatid ni Empress na mag-propose matapos hingin ang blessings ng mga magulang ng aktres.
Bahagi ng post ni Empress sa kanyang Facebook account: “A new chapter begins for me. And I know by walking with God together, we are on the right path.
“The goal of our relationship is to honor Him and do things that’s right in his eyes and that’s what we’re going to do real soon.
“Praise be to God.”
