BY ROWENA AGILADA
Sa Dec. 20 na ang grand finals ng “The Clash” pero hindi na raw makababalik si Lani Misalucha doon sa show as judge dahil nagkasakit ito at nagpapagaling pa.
Nagtatanong ngayon ang taumbayan: Ano raw kaya ang sakit ni Lani?
Bagaman nagpo-post siya sa socmed ng mga kaganapan sa “The Clash,” hindi ni Lani nababanggit kung ano’ng sakit niya.
Si Pops Fernandez ang pumalit kay Lani bilang judge sa “The Clash” kung saan co-judges naman sina AiAi delas at Christian Bautista.
Pero diin ng pamunuan ng GMA, sa Christmas Special na ipapalabas after ng grand finals ay kasama si Lani.
Bongga
May kuwentong nakarating sa amin na nung minsang nasiraan si Meryll Soriano ng kanyang sasakyan ay agad siyang ibinili ng pamalit na kotse ng kanyang Papa Willie Revillame.
Ay, bongga!
Ito kaya ‘yung Mercedes Benz na ginagamit ngayon ni Meryll?
Pero ayon kay Meryll, kapag ipamamana sa kanya ng kanyang Papa Willie ang private plane nito’y tatanggihan niya. Hindi raw niya kakayaning i-maintain ito.
Ayaw ni Meryll na nakadepende lang siya sa kanyang Papa, kaya in her own way ay kumikita pa rin siya ng sariling niyang pera para masuportahan ang anak niya kay Bernard Palanca.
Never daw
Sabi ni Angelica Panganiban sa isang interbyu, never siyang mang-aagaw o nang-agaw ng boyfriend ng may boyfriend.
Masakit daw maagawan ng BF.
Pero hindi ba, siya diumano ang dahilan ng hiwalayan noon nina John Lloyd Cruz at Shaina Magdayao?
Nag-shoot sina Angelica at John Lloyd ng isang movie abroad.
Si Shaina ang GF noon ni JLC. Pagbalik nila ni Angelica sa Pilipinas matapos ang shooting nila, magka-relasyon na sila.
