Alden-Bea, kasado na!

BY ROWENA AGILADA

Dream come true para kay Alden Richards ang pagtatambal nila ni Bea Alonzo sa pelikula.

Aniya, big fan siya ng tambalang Bea at John Lloyd Cruz at pangarap niyang maka-trabaho ang mga ito sa pelikula.

Well, at least natupad na niya ang pangarap na makatrabaho si Bea.

“A Moment to Remember” ang title ng gagawing movie ng dalawa na co-produced ng Viva Films at GMA Pictures.

Sa January 2021 ang simula ng shooting.

Bale birthday gift ito kay Alden na sa Jan. 2 ang 29th birthday.

Lucky couple

Super blessed talaga sina Matteo Guidicelli at Sarah Geronimo.

Ang dami na nilang endorsement deals!

Did we hear it right na more than 30 na ang current endorsement deals ng mag-asawa? It’s either magkasama sina Matteo at Sarah or magkahiwalay ang mga ine-endorso nila. Sa endorsements pa lang, malaki na ang kita ng mag-asawa. Eh pareho pa silang may regular shows.

Si Sarah sa “ASAP Natin ‘To” sa ABS-CBN at si Matteo sa “Masked Singer Philippines” sa TV 5.

May online cake and pastries business pa sila. May restaurant pa si Matteo. Super lucky couple talaga! Sana all.