Andrew E., mas maingat na sa kalusugan

BY DELIA CUARESMA

Nalagay pala sa alanganin kamakailan health-wise itong si Andrew E.

Hindi ito COVID-19 related. Ani ng aktor-rapper, “Nagkaroon ako ng cholesterol blockade.”

Dahil dito ay sobra siyang nanghina.

“Ang lakas ko is like 30%… Kapag hahawak sa rail, ang kailangan ko dalawang (kamay),” aniya.

Laking pasalamat ni Andrew na malagpasan ang pagsubok.

“Mapalad, napakabait ng Panginoon na na-guide ako, made me strong, and hindi ako binawasan ng tapang,” aniya.

Inamin niya na since then ay nagbawas na siya ng timbang.

Nakatulong daw sa kanya ang quarantine lockdown na pinairal ng gobyerno para makapagpalakas ng katawan.

Sa ngayon ay may bagong hit si Andrew, ang “Tamang Tama.”

Higit sa dalawang milyon na ang views ng kanta na inilabas niya sa kanyang YouTube channel nito lamang nakaraang buwan.

Sa darating na Pebrero ilalabas ang kanyang bagong album, ang “Wholesome 2.”

Ayos!