BY ALEX CALLEJA
ANG column na ito ay ginawa para sa mga taong may suliranin sa buhay na gusto ng agarang solusyon! Walang maliit o malaking problema, lahat dito, pantay-pantay! Huwag niyo nga lang seseryosohin kasi hindi lahat ng mababasa niyo dito totoo! Good vibes lang! Simulan na natin!
*
Hi Alex,
Ngayong Year of the Metal Ox, sino-sino ba ang mga suwerte? Ano ang mga kulay o number na dapat malaman? Ano ang mga dapat gawin para suwertihin? Ano ang mga dapat bilhin na pampasuwerte o lucky charm? Patulong naman Tito Alex?
Clarise ng Dumaguete
Hi Clarise,
Sa tingin mo kung alam ko ‘yan at alam ko ang sikreto para suwertehin at yumaman magsusulat pa ako dito sa Tempo! Hindi mo kailangan bumili ng mga kung ano-anong pampasuwerte o lucky charm! Sino ang susuwertehin ngayong taon? ‘Yung mga masisipag, ‘yung mga matyatyaga, at ‘yung mga nagtratrabaho! ‘Yan ang sureball na susuwertehin!
*
Hi Alex,
Totoo ba ang balita na may available na vaccine na sa Pilipinas? Marami na raw ang nakapasok at nagpabakuna na ang mga mayayaman at mga may katungkulan! Kung meron, sana masabi niyo naman sa amin. Saka sana mura lang at discounted kasi mahirap lang kami. Baka naman alam mo kung saan makakakuha Kuya Alex?
Aiko ng Lucban, Quezon
Hi Aiko,
Hindi ko alam kung totoo ‘yan. Pero kung totoo ‘yan, sana nabalitaan ko na dahil alam mo naman, hindi ako mayaman at wala akong katungkulan pero marami akong kaibigan na mayaman at may katungkulan! Hindi ko nga lang alam kung kaibigan din ang turing nila sa akin! Sa hinihiling mong discount sa vaccine, ‘yan ang hindi ko mapapangako! Pero malay mo, baka may RiteMed na ng vaccine, ‘wag ka lang mahihiyang magtanong. O kaya, hintayin mo lang at baka magkaroon sa Lazada o Shopee! Mura ‘yun lalo na kung sale!
*
Hi Alex,
Ano kaya ang magiging kaibahan ng taong 2020 sa 2021?
Perly ng San Juan
