BY JUN NARDO
Inilantad na ng Kapuso actor na si Kristoffer Martin ang anak niyang babae. Precious Kristin ang pangalan ng bata at ayon sa IG post ni Manay Lolit Solis, four years old na ito.
Siyempre, maraming nagulat sa paglabas ni Kristoffer ng anak.
Sino daw kaya ang ina?
Ayon sa usap, non-showbiz ang girl pero break na rin sila ni Kristoffer.
Isa sa promising young actors si Kristoffer nang magsimula siya sa showbiz. Magaling umarte pero hindi umangat masyado ang career.
Ngayon lumabas na ang pagkakaroon niya ng anak, sana makabawi ito lalo na at kasama siya cast ng bagong Kapuso series na “Babawiin Ko Ang Lahat.”
Alam na!
