Foursome

BY ROWENA AGILADA

Business partners na ngayon sina Dingdong Dantes, Marian Rivera, Ryan Agoncillo at Judy Ann Santos. 

Nagsimula ang kanilang collaboration sa Sunday market nina Ryan at Juday last Feb. 21.

Every Sunday ito ginagawa ng Agoncillo couple na si Juday ang tagaluto at si Ryan naman ang tagakuha ng orders.

Ngayon, ang DingdongPH riding service ni Dingdong ang taga-deliver ng mga order.

Magpapaturo naman si Marian kay Juday magluto ng “kaldebo” (pinagsamang kaldereta at adobo) na best-seller nila.

Inaanak ni Dingdong si Yohan, panganay na anak nina Ryan at Juday at looking forward sila na makapag-bonding ang mga anak nila (Yohan, Lucho at Luna) kina Zia at Ziggy na mga anak nina Dingdong at Marian.  

By the way, honoree si Dingdong sa gaganaping 5th Film Ambassador Night (FAN) ng Film Development Council of the Philippines (FDCP) via live streaming on Feb. 28.

Pararangalan siya bilang artista at cinemadvocate.

Sinasakyan

Mukhang sinasakyan talaga nina Derek Ramsay at Ellen Adarna ang pag-li-link sa kanila. 

Buddy-buddy na rin sila sa pagwo-workout sa bahay ni Derek kung saan may sarili siyang gym.

May coach pa sila na sa isang video ay ipinakitang sinusuntok-suntok ni Derek ang tiyan ni Ellen.

Wow, ha?