Tinanggal!

BY ROWENA AGILADA

Parehas nawalan ng trabaho sina Janno Gibbs at Kitkat matapos mag-away sa kalagitnaan ng taping ng “Happy Time,” ang noontime show na kanilang hino-host sa Net 25.

Ang siste, pinag-ayos na ang dalawa ng management ng show pero hindi natigil ang bangayan ng dalawa.

Bagkus, lumaki ito at nagpatuloy sa social media.

Hinamon pa nga daw ng ama at asawa ni Kitkat si Janno. 

Nakisawsaw pa ang anak ni Janno na si Gabbi bilang pagtatanggol sa ama.

Ayun, parehas silang nawalan ng show.

Hay, naku!  

Record-breaking

Record-breaking ang upcoming digital concert ni Sarah Geronimo.

Mabilis ang bentahan ng tiket at ang daming sponsors!

In just three to four days, sold-out agad ang VVIP tickets.

Nagdagdag pa nga ang concert producer ng tickets para sa mga gustong magkaroon ng VVIP slots.

Sila na ba?

Ito ang tanong ng shippers nina RK Bagatsing at Jane Oineza.

Nagsimula ang haka-haka sa mga socmed posts nila.

Meron kasi silang parehas na kuha sa isang floating cottage na magkahawig din kaya duda ng netizens ay magkasama sina RK at Jane na nagbakasyon.

Tikom pa rin magpasahanggang ngayon ang bibig ng dalawa.

Di selosa

Sabi ni Heart Evangelista kay Maja Salvador, hindi siya selosa.

May assurance siya sa husband niyang si Governor Chiz Escudero na walang dahilan para magselos siya.

Nasanay na rin si Heart na three to four days silang hindi magkasama dahil nasa Sorsogon ito.