Doug at Chesca, gusto ulit magka-baby

BY RUEL J. MENDOZA

Ni-reveal ng mag-asawang Doug and Chesca Kramer sa programang “Tunay Na Buhay” ang ilang attempts nilang makabuo ng ika-apat na baby sa pamamagitan ng in vitro fertilization or IVF.

Tatlo ang naging anak nina Chesca and Doug noong kinasal sila in 2008. Ito ay sina Kendra, Scarlett and Gavin. Kung tawagin sila ay Team Kramer.

Noong 2013, after ipanganak ni Chesca si Gavin, sumailalim ito sa tubal ligation. Inamin ni Doug na ang last two pregnancies ni Chesca ay nagpahina sa katawan nito kaya nagdesisyon silang magpa-ligate si Chesca.

Noong ready na ulit si Chesca magkaroon ng 4th baby after six years, doon na sila nahirapan. Three times na raw nag-fail ang IVF kay Chesca.

“So, for the past two years–or a year and a half–we’ve had three failed IVFs na. The kids also, they all want to have a baby sister, a baby brother. There’s sunshine after a rain. And for us, all in God’s perfect timing,” sey ni Doug.

Sey naman ni Chesca: “If God wills it, it will happen. And while you wait, you wait in obedience and in faith.”