By JUN NARDO
Inangkin ng Primera Aktresa na si Lovi Poe ang buong pelikula na “Guilty Pleasure” ng Regal Entertainment.
Napanood namin ito last Tuesday during its premiere sa SM The Block.
Mula sa opening hanggang sa closing ng movie na dinirek ni Connie Macatuno, nagpamalas ng galing sa pag-arte si Lovi!
Kahit may maiinit siyang eksena sa kaparehang sina JM Guzman at Jameson Blake na kapwa rin magaling e, angat na angat pa rin si Lovi!
Seksing-seksi si Lovi bilang lawyer na laging panalo sa ipinaglalaban na kaso. Hindi nga lang niya naipaglaban ang sariling kaso.
Pero sa bandang huli ng pelikula e, tagumpay pa rin siya!
Magaling ang pagkakasulat ng movie at ang husay ng direksyon ni Macatuno. Well-acted din ng mga bida at support cast ang respective characters nila.
May pa-bonus pang pa-pwet sina JM at Jameson, huh!
Showing na sa cinemas nationwide ang pinakamainit na pelikula ng taon, ang “Guilty Pleasure” na talagang masisiyahan at maraming matutunan ang manonood!
Bigay-tulong
Pinangunahan ni Senator Bong Revilla, Jr. ang pagdaraos ng Bagong Pilipinas Serbisyo Fair (BPSF) nung Linggo sa Philippine Sports Arena sa Pasig kung saan mahigit sa 13,000 na manggagawa sa industriya ng pelikula, TV at radio ang direkta at agarang naabutan ng tulong ng gobyerno!
Ito ang pinakamalaking convergence caravan sa bansa kung saan 60 mga ahensiya ng pamahalaan ang nagsama-sama upang maghatid ng lagpas apat na raang programa at serbisyo ng gobyerno.
“Mas ikinatuwa ko ito dahil nakaharap ko ang mga taong malalapit sa akin sa industriya ng radio, TV at pelikula. Mahal na mahal ko sila dahil kung hindi sa kanila e walang senador Bong Revilla, Jr,” saad sa bahagi ng talumpati ni Senator Bong.
Dagdag pa ng senador, “Kahit kailan, hindi ko po maikakaila – parte ako ng indutriyang ito at kahti kailanman ay hindi ko mababayaran ang sektor na pinagmulan ko!”
Present din sa BPSF ang haligi ng industriya na sina Jose Javier Reyes, FDCP Chairman, Boots Anson Roan g MOwelfund, Roselle Monteverde at pulitikong sumusuporta sa BPSF!
Bukod sa financial assistance, may naiuwi ring limang kilong bigas ang dumalo at may lunch na, one to sawa pa ang popcorn at hotdog sandwich!
Maraming-maraming salamat!
