Isa umanong miyembro ng Akyat Bahay gang na hinihinalang tulak ng droga ang pinatay malapit sa isang paaralan sa Pasay City kahapon ng umaga.
Ayon kay Chief Inspector Rolando Baula ng Pasay City Station Investigation and Detective Management Branch (SIDMB), may dalawang tama ng bala at nakabalot ng packaging tape ang ulo ng biktimang si Joshua Busili alyas Dodong nang matagpuang nakahandusay sa kalye.
Siya ay residente ng Tramo Street, Pasay. (Martin A. Sadongdong)
