Natagpuan ang bangkay ng isang 20 taong gulang na babae na itinapon umano ng hindi pa nakikilalang suspek sa isang bakanteng lote sa Lolite St., Phase 6, Garden Villas 3, Barangay Ibaba, Sta. Rosa City, Laguna, noong Biyernes.
Kinilala ni Supt. Giovanni S. Martinez, Sta. Rosa police chief, ang bikitima na si Marie Antonette Lomutac Tan, walang asawa, at residente St. Rose Ville 1, Barangay Ibaba. Positibong kinilala ang bangkay ng biktima ng kanyang inang si Maria Luisa Solon. (Danny J. Estacio)