MAG-guest pa kaya si Aiza Seguerra sa “Eat Bulaga”? Nagkasagutan sila ni Senator Tito Sotto dahil sa magkasalungat na pananaw nila sa condom issue.
Kontra si Sen. Tito sa panukala ng DOH (Department of Health) na mamigay ng condom sa mga eskuwelahan para maiwasan ang paglaganap ng HIV/AIDS sa mga kabataan.
Pabor naman si Aiza. Responsibilidad daw ng gobyernong pangalagaan at protektahan ang constituents. Mabilis daw ang pagtaas ng HIV/AIDS lalo na sa mga kabataan at laganap na ang teenage pregnancy.
Dahil daw sa konserbatibong kultura at pananaw, matagal nang ipinagpaliban ang pagpapatupad sa RH Law.
Nagpatutsada si Sen. Tito na baka raw nakalimutan na ni Aiza kung saan siya galing. Produkto ng “Eat Bulaga” si Aiza.
Sumali siya sa “Little Miss Philippines” at itinuring siyang “anak-anakan” ng Tito, Vic and Joey.
Ano kaya ang saloobin nina Vic Sotto at Joey de Leon hinggil sa sagutan nina Aiza at Sen. Tito?
Break na
Break na sina Bela Padilla at Neil Arce (businessman-film producer). Sinabi ito ni Bela sa mga nakausap na reporters sa isang presscon. Mutual decision daw nila ’yun at nakiusap pa si Bela na huwag sisiraan si Neil.
Friends pa rin sila at tuloy pa rin ang pagtatrabaho nila bilang producer at artista. May ginagawa siyang pelikula na si Neil ang producer. Wala naman daw awkwardness at komportable pa rin sila working together.
Five years ang naging relasyon nina Neil at Bela at aniya, no bad blood between them noong nag-break sila.
Kilig
“She’s also mine!” patungkol ng guwapong car racer na si Marlon Stockinger kay Miss Universe 2015 Pia Wurtzbach. Inggit much ang maraming kababaihan kay Pia.
Sa interbyu ni Dyan Castillejo kay Marlon, inamin ng huli na kinilig siya noong aminin ni Pia on national TV ang kanilang relasyon. Sinabi pa nito na, “Marlon is mine!”
Nganga na ’yung mga nag-iilusyon kina Marlon at Pia. Sorry nalang!
Kakampi o kalaban?
Lumabas na ang karakter ni Alfred Vargas bilang Amarro sa “Encantadia.” Siya ang ama ni Aquil (Rocco Nacino). Kakampi kaya siya o kalaban ni Aquil?
Ano kaya ang mangyayari sa Encantadia ngayong mas malakas si Hagorn (John Arcilla)? Kumuha pa siya ng ispiritu ng mga dating kawal ng Hathoria.
Kulitan
Sina Rhian Ramos, Carla Abellana at Solenn Heussaff ang makikipagkulitan kina Drew Arellano at Iya Villania ngayong Linggo sa “People vs. The Stars.”
Masagot kaya nila ang tricky questions na may katumbas na halaga? Tutok lang sa PVSTS sa GMA at 5 p.m.
