Tatlong Kapuso stars ang pinarangalan ng 9th Aning Dangal Awards (ANDA) at National Commission for Culture and the Arts (NCCA). Si Jaclyn Jose na nagwaging best actress sa Cannes Film Festival para sa pelikulang “Ma Rosa,” Barbie Forteza, best actress sa Fantasporo Film Festival sa Portugal para sa pelikulang “Laut” at Therese Malvar na kinilalang Rising Star Asia sa 15th New York Film Festival. Wagi rin siya bilang best actress sa Moscow International Film Festival sa pelikulang “Hamog.”
Layunin ng ANDA ang kilalanin ang iba’t ibang alagad ng sining na tumanggap ng international awards.
OMB ambassador
Congratulations kay Piolo Pascual na itinalaga bilang bagong celebrity ambassador ng Optical Media Board (OMB). Sa panayam ng Pep, sinabi ng Kapamilya actor na isang pribilehiyo, isang oportunidad na magamit niya ang kanyang celebrity status sa mga tamang dahilan.
Determinado siyang sugpuin ang piracy sa pelikula, telebisyon at musika.
Aniya pa, bilang bahagi ng entertainment industry, kailangan ang best foot forward para maka-influence sa pagpapalaganap ng adhikain. Bilang isang aktor, isang malaking karangalan ‘yun. Ayon pa kay Piolo, handa siyang dumalo sa mga related OMB activities at mga programa nito para mag-create ng awareness.
Todo effort
Todo effort ang newbie leading man ni Jennylyn Mercado sa “My Love From The Star” na si Gil Cuerva. Bilang paghahanda sa kanyang role as Mateo Do sa Filipino adaptation ng naturang Koreanovela, 10 straight hours niyang pinanood ang original series para gawing guide sa akting.
Ani Gil, dapat ay ilang episodes lang ang panonoorin niya. Pero na-hook siya sa serye, kaya hindi niya namalayan ang oras. “Exciting kasi ‘yung story. Sobrang naging interested ako. Funny at nakakakilig. It’s very different from other drama series,” he said. Inaabangan nang Kapuso viewers ang MYLFTS na unang pagtatambalan nina Jennylyn at Gil.
Birthday girl
Ngayong Sabado ang special birthday presentation ni Maine Mendoza sa “Eat Bulaga.” Kahapon (March 3) ang 22nd birthday niya.
Success ng “Destined To Be Yours,” more travels abroad at happiness ang birthday wishes ni Maine.
Inaabangan ng AlDub fans at EB viewers ang mga kaganapan sa birthday presentation ni Maine. Ano kayang kilig overload ang sorpresa nina Alden Richards at Maine ?