Masayang-masaya ang Kapuso singer na si Denise Barbacena dahil siya ang napiling umawit ng theme song ng summer ID plug ng GMA-7 na Kulayan Natin Ang Summer.
Na-launch na ang summer ID plug noong kunsaan tampok ang mga bagong shows ng GMA-7 para sa second quarter ng taon.
Kabilang na rito ang D’Originals nila Jaclyn Jose, Kim Domingo and LJ Reyes; Daig Kayo Ng Lola Ko ni Ms. Gloria Romero; Tadhana ni Marian Rivera-Dantes; Impostora ni Kris Bernal and Rafael Rosell; Follow Your Heart ni Heart Evangelista-Escudero; Mulawin vs. Ravena nila Dennis Trillo, Heart Evangelista, Carla Abellana, Lovi Poe, Miguel Tanfelix, Bianca Manalo, Derrick Monasterio at Regine Velasquez-Alcasid; at My Love From The Star nila Jennylyn Mercado at Gil Cuerva.
Si Denise din ang boses sa likod ng theme song ng Destined To Be Yours na Aking Tadhana na isa sa paboritong i-download ngayon ng maraming AlDub fans sa iTunes.
Si Denise ay produkto ng reality competition show ng GMA-7 na Protégé: The Battle For The Big Break noong 2011.
Isa ring comedienne si Denise at napapanood siya weekly sa Kapuso gag show na Bubble Gang. Naging bahagi rin siya ng ilang teleserye tulad ng Genesis, My Faithful Husband, The Millionaire’s Wife at ng sitcom na A1 Ko Sa ‘Yo.
(RUEL J. MENDOZA)