FEELING namin at ng ibang reporters na kausap ni Shaira Mae dela Cruz noong presscon ng “Trip Ubusan: The Lolas vs. Zombies” ay may relasyon pa rin sila ni Edgar Allan Guzman. Tinanong kasi namin si Shaira kung “sila” pa rin ba ni Edgar, ang ganda ng ngiti niya.
Huwag na raw pag-usapan si Edgar. Basta pakilig-kilig lang ang lovelife niya ngayon, ani Shaira.
Hindi na namin siya kinulit sa estado ng relasyon nila ni Edgar dahil mukhang may nagbawal sa kanila na magsalita tungkol sa kanilang relasyon. Noong nakausap namin si Edgar sa presscon ng “My Korean Jagiya,” sinabi niyang single siya at career muna ang focus niya.
Gano’n din ang sinabi ni Shaira sa presscon ng “Trip Ubusan: The Lolas vs. Zombies.” Career muna ang focus niya.
Mukhang “scripted” ang mga sagot nila ni Edgar. Whatever!
First movie ni Shaira ang “Trip Ubusan: The Lolas vs. Zombies,” topbilled by Paolo Ballesteros, Jose Manalo, and Wally Bayola. Showing ito today sa mga sinehan nationwide.
Proud Kapuso
Proud Kapuso star si Marian Rivera. Thankful siya na tatlo sa mga ginawa niyang GMA series, “Marimar,” “Dyesebel” at “Amaya” ay sumikat at ipinalabas sa iba’t-ibang bansa sa Asia.
Inaabangan naman gabi-gabi ang mga eksena sa “Super Ma’am” na talaga namang nakaka-inspire sa mga bata. Kahit parami nang parami ang mga kalaban ni Super Ma’am ay hindi siya nagpapatalo.
Mga manananggal ang bago niyang kalaban. May malaking plano ang mga ito para pataubin siya. Magtagumpay kaya sila?
Tutok lang sa “Super Ma’am” sa GMA Telebabad.
Christmas in Japan
Christmas treat ni Alden Richards sa kanyang pamilya ang bakasyon nila sa Japan. First out of the country trip nila ‘yun, kaya super excited ang Pambansang Bae.
Doon sila magpa-Pasko at magkakasama sila sa Japan mula Dec. 19 hanggang Dec. 27.
Saan naman kaya magpa-Pasko si Maine Mendoza and her family? Wala pa yatang Christmas celebration na nagkasama sila ni Alden since naging magka-love team sila. Tama ba kami?
Tungkol sa kanilang movie, tuloy pa rin ito, ayon kay Alden. Naghihintay lang sila ni Maine ng pasabi mula sa producers ng kanilang shooting schedule.
Hopefully, masimulan ang shooting late this year or early next year. Maganda sana kung Valentine offering ito.
