HINDI lang girlfriend, kundi best friend din ni James Reid si Nadine Lustre. Aniya, super maalaga ang kanyang GF. Three years muna silang naging friends bago naging “sila.”
“With Nadine, I can be just myself. No pretensions,” ani James. Hindi niya kailangang mag-best foot forward kay Nadine. Two years na ang kanilang BF-GF na relasyon this February na ani James, getting stronger sila.
Deadma na lang sila sa kanilang bashers/haters. Masaya sila sa kanilang relasyon. Ginagawa nila kung ano’ng gusto nilang gawin.
Muling pasasayahin ng JaDine ang kanilang fans and supporters sa gaganapin nilang pre-Valentine concert on Feb. 9.
Billed “Revolution: The Jadine Concert,” sa Smart Araneta Coliseum ito, hatid ng Viva Live.
After ng kanilang concert, magse-celebrate sina James at Nadine ng Valentine. Wish nilang payagan sila ng kanilang management company na makapagbakasyon kahit ilang araw lang. Either mag-a-out-of town or mag-a-abroad sina James at Nadine. Pag-uusapan pa nila ‘yun, ayon kay Nadine.
Sa presscon ng kanilang concert, James was asked kung ano’ng feeling niya na most beautiful at sexiest woman ang kanyang girlfriend. Base ‘yun sa online survey ng isang magazine. Ani James, super proud siya for having Nadine as his GF.
Pinasalamatan naman ni Nadine ang mga bumoto sa kanya para tanghalin siyang most beautiful at sexiest woman.
Inaanyayahan nila ang kanilang fans and supporters na manood ng kanilang “Revolution” concert sa Big Dome. For ticket inquiries, call Ticketnet at 911-5555 or Viva Live at 687-7236.
Lucky wife
Inggit-inggitan kay Marian Rivera ang karamihang kababaihan sa ginawang video ni Dingdong Dantes kaugnay ng kanilang third wedding anniversary. Super lucky daw si Super Ma’am sa kanyang hubby. Nag-effort ito talaga na sobrang touched si wifey.
Samantala, naki-pag-reunion si Marian sa kanyang college friends noong nakaraang holiday season. Tsikahan sila to the-max at nag-enjoy si Super Ma’am sa pagkikita nilang muli. Sana raw ay maulit muli ‘yun.
Trabaho lang
Solong naninirahan si Thea Tolentino sa isang pad na nirerentahan niya malapit sa GMA Network Center. Aniya, mas madali sa kanya kapag nagte-taping siya ng “Haplos.” Kadalasan kasi’y sa QC area ang location.
Pasama nang pasama ang karakter niya bilang Lucille sa “Haplos.” Maski nga raw siya’y naiinis sa sarili niya kapag in-character na siya. Ang dami niyang bashers/haters na ani Thea, sana’y maintindihan na trabaho lang ang ginagawa niya.
Off-camera, mabait, sweet at tahimik lang si Thea. Promise!