Kung tama kami, sa pregnant celebrities, si Pokwang ang buena manong nanganak ngayong 2018. Nanganak siya noong January 18 ng isang baby girl, courtesy ng American boyfriend niyang si Lee O’Brian. Pinangalanan nila itong Baby Malia.
Sa isang hospital sa Antipolo City nanganak si Pokwang. Si Lee ang nag-cut ng umbilical cord ng baby.
Third baby na ito ni Pokwang. Boy ang panganay niya na namatay several years ago. Girl ang pangalawa, si Ria Mae, 21 years old na kadarating lang mula sa USA kung saan nag-OJT ito para sa kursong Culinary Arts. Japanese ang biological father ni Ria.
Pregnant naman at manganganak this year sina Isabelle Daza, Sarah Lahbati, Jolina Magdangal, and who else?
Intimidated
Passion project ang turing ni Mikoy Morales sa “Sirkus.” Aniya, malapit sa personal life niya ang ginagampanan niyang karakter bilang Miko. Namumuhay ito sa pangaral ng mga magulang (Zoren Legaspi at Angelu de Leon).
Happy si Mikoy na si Mikee Quintos ang kakambal niya sa “Sirkus.” Aniya, matagal na silang magkaibigan, kaya komportable siyang katrabaho si Mikee. “Hindi ko ma-imagine doing a twin role with someone else. Alam ko kasi kung paano magtrabaho si Mikee. Alam ko kung paano siya umatake sa work niya, so, du’n pa lang, malaking bagay na,”ani Mikoy.
Aniya pa, marami na silang alam sa isa’t isa. “And I think, it helps a lot,” he said. Ayon pa kay Mikoy, happy set sila. Kahit tinatawag na sila para mag-take, hindi pa rin sila maawat sa pagkukulitan.
Pero intimidated sila ni Mikee kay Cherie Gil. Kapag kaeksena nila ito’y nagtitinginan sila ni Mikee. Nagtatanungan sila kung tama ba ang ginagawa nila? Mapapanood ang “Sirkus” simula ngayong Linggo sa GMA7, 6: 10 pm.
Paborito?
Paano ba naman hindi iisiping paborito ng GMA7 si Mikee Quintos, eh, bukod sa “Sirkus,” siya pa ang kinuha ng network para mag-dub ng boses ng asong si Serena na kasama sa “Sherlock, Jr.”
Kumbaga, ito ang sidekick ni Ruru Madrid. Balik-tambalan dito sina Ruru at Gabbi Garcia. Tampok din sina Ai Ai delas Alas, Matt Evans, Kate Valdez, Yanna Asistio, Andre Paras, Rochelle Pangilinan, Roi Vinzon . May special role si Janine Gutierrez. Sa January 29 ang pilot telecast ng “Sherlock, Jr.” kapalit ng “Super Ma’am.”