Balik-singer si Kristoffer Martin . Inilabas na ng GMA Records ang bago niyang single, “Paulit-ulit.” Pwede na itong ma-download at i-stream sa digital stores nationwide gaya ng spotify, i-Tunes, Amazon at iba pa.
Mapapanood sa You Tube ang behind the scenes ng kanyang recording at malamang ay gamiting theme song sa GMA shows ang “Paulit-ulit.”
Samantala, finale week ngayon ng “Super Ma’am” kung saan bahagi ng serye si Kristoffer. Sobrang thankful siya sa Kapuso Network na isinama siya sa cast. Marami pang dapat abangan sa SM hanggang sa pagtatapos nito sa Biyernes.
Wish lang ni Kristoffer and his fans na may kasunod siyang project. Push pa more sa career ni Kristoffer ngayong 2018. Marami pa siyang pwedeng i-offer bilang isang actor-singer.
Second choice
Ang “Sherlock, Jr.” ang papalit sa “Super Ma’am.” Originally intended for Alden Richards ang project. Sa kung ano’ng kadahilanan, hindi siya natuloy gawin ito at napunta kay Ruru Madrid.
Hindi naman naging isyu ‘yun kay Alden at happy siya na kay Ruru ibinigay ang project. Lalong walang isyu kay Ruru na second choice siya. Kahit pa raw third, fourth or whatever, sobrang thankful siya na aniya, gagawin niya ang kanyang best sa project na ipinagkatiwala sa kanya.
Balik-tambalan sa “Sherlock,Jr.” sina Ruru at Gabbi Garcia. Unang teleserye naman ito ni Matt Evans ngayong Kapuso na siya. Tampok din sina Ai Ai delas Alas, Andre Paras, Carlo Gonzales, Rochelle Barrameda, Sharmaine Arnaiz, atbpa. May special role si Janine Gutierrez. Sa January 29 ang pilot telecast ng “Sherlock Jr.” sa GMA Telebabad.
Pinatay
Sad ang RocSan fans nina Rocco Nacino at Sanya Lopez. Pinatay kasi ang karakter ni Rocco (as Gerald) sa “Haplos.”
Hindi akalain ng viewers na may gano’ng plot twist na mangyayari sa programa.
Emotional ang pamamaalam ni Rocco sa social media na aniya, “It was a good run. Maraming salamat sa lahat ng tumutok sa pagmamahalan nina Angela (Sanya Lopez) at Gerald. Mami-miss ko kayong lahat (cast). It was an honor to be part of “Haplos.”
But wait, huwag masyadong malungkot ang viewers dahil may nakapag-inform sa amin na hindi pa ‘yun ang huling eksena na makikita si Rocco sa serye. May balak pa kasi si Lucille (Thea Tolentino) na buhayin si Gerald gamit ang itim na salamangka. Magtagumpay kaya siya? Namatay si Gerald matapos kumain ng mansanas na isinumpa.
