By Rowena Agilada
MAY pasabog si Miguel Tanfelix sa 18th birthday ni Bianca Umali. Gaganapin ang debut party ng kanyang ka-love team on March 17. March 2 ang actual birthday ni Bianca.
“Malala, medyo madugo ang gagawin ko,” ani Miguel. Dapat daw abangan ang sorpresa niyang ito kay Bianca na last year pa niya plinano at sinimulan ang paghahanda para rito.
Ayaw magbigay ng clue ni Miguel kung ano ‘yun dahil malakas daw makatunog si Bianca. “Last year ay napaiyak ko siya noong birthday niya. Dapat ay mahigitan ko this year ang regalo ko sa kanya,” ani Miguel.
Ano nga kaya ‘yun? Pati kami’y na-e-excite sa pasabog ni Miguel. Hindi kaya out-of-the-country trip ‘yun? Sa mga interbyu namin noon kay Miguel, sinasabi niya na kapag nag-18 years old na si Bianca ay iti-treat niya ito sa trip abroad. Never pang nakalabas ng bansa si Bianca.
Nganga
Hanggang TV commercial na nga lang ba mapapanood sina Sharon Cuneta at Gabby Concepcion? “Nganga” na naman ba ang mga humo-hopiang Sha-Gab fans na matuloy na ang kanilang reunion movie?
May tsika na diumano, hindi interesado si Gabby gumawa ng pelikula with his ex-wife. Mas concerned daw ang aktor sa future projects na gagawin niya sa GMA.
Comment ng ibang tao, parang si Sharon lang ang may gustong matuloy ang reunion movie nila ni Gabby. Sabi naman ng iba, kung ayaw ni Gabby, huwag na itong pilitin.
Could it be the reason why binura na ni Sharon sa socmed ang throwback at recent photos nila ni Gabby? Matapos silang magpakilig sa isang fast food chain commercial at sa recent photos nila sa isang meeting, nadismaya na naman ang kanilang fans and followers. How sad.
New project
Sina Gil Cuerva at Kiko Estrada ang leading men ni Julie Anne San Jose sa upcoming project niya sa GMA. “My Guitar Princess” ang title na isang romcom series.
May dapat kayang pagselosan ang boyfriend ni Julie Anne na si Benjamin Alves? Anytime soon, magte-taping na ang kanyang girlfriend na excited nang makatrabaho sina Gil at Kiko.
Unang napanood si Gil sa “My Love from the Star” with Jennylyn Mercado. Nag-guest role naman si Kiko sa “Alyas Robinhood 2.” May gagawin siyang pelikula na May-December affair with Sunshine Cruz.
