By Rowena Agilada
ENGAGED na nga ba sina Dennis Trillo at Jennylyn Mercado? Nag-post si Dennis sa kanyang Instagram wall ng magkaternong shoes, watch at pants nila ni Jennylyn.
Kapansin-pansin ang suot na singsing ni Jen kung engagement at wedding rings ba ang mga ‘yun. May mga naghihinalang baka raw nag-propose na si Dennis kay Jennylyn noong nag-US tour sila para sa “Sikat Ka Kapuso.” Baka rin daw nagpakasal na sila roon.
Matutuwa ang DenJen fans sakaling engaged o kasal na nga sina Dennis at Jennylyn. Sa mga interbyu kay Dennis, sinasabi niyang si Jen na ang “the one for him.”
Lilipat?
Lilipat nga ba si Kylie Padilla sa ABS-CBN? May unconfirmed report na diumano, isasama siya sa isang on-going series.
May mga nagsasabing susundan ni Klyie si Aljur Abrenica. Ang tanong, wala na bang kontrata si Kylie sa GMA7?
Nasa ABS-CBN din ang papa Robin Padilla ni Kylie. Ano kaya kung pagsamahin sila sa isang project, sakaling true ang usap-usapan na magiging Kapamilya na si Kylie. Isama na rin kaya si Aljur.
Nagtatanong nga pala ang fans, kailan magpapakasal sina Aljur at Kylie? A few months ago ay namanhikan na si Aljur and his family para pormal na hingin ang blessing ni Robin.
Disappointed
Disappointed si Dennis Padilla kay Joshua Garcia sa pag-amin ng huli na nagkamali siya at nasaktan niya si Julia Barretto. Kaugnay ‘yun ng palitan ng messages sa social media ni Joshua at ng isang non-showbiz girl.
Naghihintay si Dennis na mag-sorry sa kanya si Joshua kahit man lamang daw i-text o tawagan siya nito. Pinayuhan niya si Julia na kapag hindi na ito masaya, umalis na siya (sa pakikipag-relasyon kay Joshua).
Sinabi ni Joshua sa “Tonight with Boy Abunda” na okey na sila ni Julia. Isang malaking challenge ‘yung nangyari at pinagsisisihan niya ang ginawa niya.
Paseksi na rin
Paseksi na rin si Inah Feleo at nag-post na rin siya sa social media na naka-two-piece swimwear. Hindi nagpatalbog ang “Hindi Ko Kayang Iwan Ka” star sa female celebrities na nagbubuyangyang ng kanilang sexy bodies sa socmed.
‘Yun ngayon ang “in” na halos lahat na’y may sexy photos. Kailan naman kaya magiging daring sina Sarah Geronimo (parang imposible), Liza Soberano, Shaina Magdayao, Janella Salvador, Julia Barretto, and who else?
