By Rowena Agilada
How true na bubuwagin na ang love team nina McCoy de Leon at Elisse Joson? Hindi pa nga established ang McLisse love team, paghihiwalayin na agad?
Ibig bang sabihin, kaplastikan lang ‘yung ipinakitang sweetness nina McCoy at Elisse kapag iniinterbyu sila on national TV? Napaniwala nila ang kanilang fans na may “something” between them.
May tsikang diumano, may non-showbiz girlfriend si McCoy. Boyfriend naman diumano ni Elisse si Patrick Sugui na kasamahan niya sa Star Magic.
Paano nga naman ipu-push ng Kapamilya Network ang McLisse love team? Magiging awkward nga naman kung pipiliting ma ging sweet sa isa’t isa sina McCoy at Elisse kung sa real life ay may kanya-kanya silang karelasyon.
Ayaw ng fans! Gusto nila, on-and-off screen love team ang kanilang mga idolo.
Naaksidente
Naaksidente si Jessy Mendiola dahil nakatulog ang kanyang driver at bumangga sa isang barrier ang kanyang kotse.
Madaling-araw nangyari ‘yun a few days ago. Ayon sa kuwento ni Jessy sa socmed, sa bandang side pa naman kung saan siya nakaupo tumama, kaya nagising siya. Natakot siya na inakala niyang mamamatay na siya.
Kung nagkataon, hindi pa sila naikakasal ni Luis Manzano, “biyudo” na agad ito.
Nagpasalamat si Jessy na walang masamang nangyari sa kanya. Hindi niya pinagalitan o sinibak ang kanyang driver.
Naintindihan niyang pagod din ito. Payo ni Jessy sa mga nagda-drive, kapag inaantok o pagod, huminto muna. Magpahinga o umidlip sandali.
Dagdag namin, huwag magmamaneho kapag lasing o nakainom. Huwag magte-text o makikipag-usap sa cellphone. Huwag mabilis magmaneho na parang may hinahabol o tinatakasan.
Ayawan na?
Mukhang ayaw na talaga ni John Lloyd Cruz balikan ang showbiz. Gusto niyang maging ordinaryong tao na lang siya.
Isang Ellen Adarna ang nagpabago sa buhay ni JLC. Kung ayaw na niyang magpa-interbyu gaya ng ginawa niya kay Mario Dumaual, hayaan na lang siya.
What if, maisipan niyang bumalik sa showbiz? Kakailanganin niya ang showbiz writers para ibalita siya.
Marami ang naghihinayang sa pagtalikod ni JLC sa showbiz. Magaling na aktor, kasikatan niya, kumikita ng milyones sa paggawa ng TV shows, pelikula, may product endorsements at iba pang ka-racketan. Pero parang bale-wala na lang ang lahat ng ito kay JLC.