NASAAN nga ba si Coco Martin? Narito ba siya sa Pilipinas o nasa ibang bansa?
May tsikang diumano, nasa Germany si Coco at dinalaw ang rumored girlfriend niya na si Julia Montes.
Nag-post si Coco sa socmed ng isang photo na tingin ng netizens ay kuha sa Switzerland. Malapit lang ‘yun sa Germany, kaya ispekulasyon nila’y baka puntahan ni Coco si Julia doon.
Matagal nang naroon ang aktres na diumano, inaayos nito ang mga dokumento para makuha ang German citizenship. German ang father ni Julia at doon naninirahan.
Kahit pinabulaanan na ni Julia, hindi pa rin “mamatay-matay” ang isyung diumano’y buntis siya at doon daw nanganak. Diumano, nakatakdang bumalik ito sa Pilipinas next month, kaya abang-abang na lang.
UMIYAK
Sina Richard Gutierrez at Ian Veneracion ang mga kasama ni Bea Alonzo sa upcoming teleserye niya sa ABS-CBN. Next month magsisimula ang taping.
Ani Bea, nagte-training sila para sa kanilang respective characters na gagampanan. Medyo physical ang training na ayaw niyang mag-spoiler kung bakit at ano’ng tema ng upcoming teleserye at kung ano’ng role niya.
Naikuwento rin ni Bea na super stressed siya habang ginagawa niya ang “Eerie,” her first horror movie. Muntik na siyang mag-walkout sa isang eksena sa sobrang takot.
Super dilim ang daraanan niya na flashlight lang ang hawak niya. Hindi alam ni Bea na may mga inilagay na iba’t ibang elemento si Direk Mikhail Red para maging natural ang reaction niya. Ani Bea, napaiyak siya talaga sa takot. In real life, matatakutin talaga siya, anang aktres.
EXCITED
Looking forward na si Gabby Concepcion sa kanyang summer vacation. Ipinaayos na niya ang beach house niya sa Batangas para doon siya makapag-relax. Beach person ang aktor.
Hobby din niya ang fishing, kaya aniya, excited na siyang mangisda. May upcoming rom-com series siya sa GMA7 with Jennylyn Mercado.
