AKALA ng marami ay maba-bad–trip kay Vice Ganda ang December Avenue.
Ang siste kasi magkasama sa isang show sa Camarines Sur ang grupo at si Vice Ganda.
Naunang sumalang si Vice na sa hindi maintindihang dahilan ay inawit ang isa sa mga kantang pinasikat ng banda.
Nagulat ang marami. Tila daw binastos ni Vice ang grupo. Natakot din ang ilan na baka maupakan si Vice sa backstage.
Well, walang nangyaring ganoon.
Nauna na kasi ang paumanhin ni Vice sa grupo via Twitter.
Aniya, “I just had a show in CamSur. Super sorry sa December Avenue kasi nakanta ko sa sing-along part ng program ung kanta nila not knowing na sila ung kasunod ko. I apologize. My bad.”
Ang maganda pa, cool din lang ang December Avenue na agad nag-reply nang, “Keri lang mamshie! No need to apologize! We all enjoyed your set, super laughtrip ingat pauwi and see you soon!”
Natuwa naman rito si Vice na sumegunda pa nang, “Love you December Avenue!!! Hope to see you guys again soon. Im a super faney.”
Ayos! (DELIA CUARESMA)
