BY DANTE LAGANA
—-
HINDI pinalagpas ng Comedy Queen na si Ai-Ai delas Alas ang isang epal na netizen na pumuna sa kaniya matapos i-post sa Instagram ang handwritten note ng kanyang husband na si Gerald Sibayan.
Nakasulat sa note: “Ito na po ang Breakfast mo darling. I LOVE YOU so much. GOOD HUSBAND. Darl.”
Nilagyan ito ng caption ni Ai-Ai na, “Good morning – thank you LORD sa blessing na ito…”
Wala na sanang problema except may isang netizen na tila banas sa ginawa ni Ai-Ai.
Sey nito, “Why need to post this? You could try to leave something private in your lives to yourselves.”
Pinatulan naman ni Ai-Ai ito.
Aniya, “Ang inggit nakamamatay yan. Magbago ka na!
“IG ko to at kahit anong i-post ko wala KANG PAKIALAM.
“Maglagay ka muna ng picture at magtrabaho ka para makatulong ka sa bayan hindi yung bash k ng bash!!!!!!
“Kaya hindi ka umuunlad kasi yan ang gawain mo.”
Ang matindi, sumagot pa ang netizen ng tila sarcastic na “ok.”
Banat ni Ai-Ai na animo’y umuusok ang ilong sa galit: “Hindi ok! Magtrabaho ka! Para makatulong ka sa pamilya mo!”
Siyempre pa, to the rescue naman si Gerald sa honey bunch niya.
Aniya sa netizen, “Wag maiinggit okay.”
Sapul!
