KUMPIRMADO at wala na nang atrasan ang online fund-raising concert ni Sharon Cuneta on May 10. Titled “Sharon, Love and Music,” mapapanood ito live sa Facebook at YouTube.
Inaabangan kung mag-a-appear as guest si KC Concepcion sa show.
Nagkaayos na ang mag-ina matapos ang ilang buwang tampuhan.
Sana nga bumawi si KC sa ina. No show sa birthday fete nito noon sa TV.
Inaabangan din kung lalabas sa show ang mga anak ng Megastar kay Senator Kiko Pangilinan na sina Frankie, Miel at Miguel.
May iba naman gusto pati si Sen. Kiko magpaunlak din ng maigsing appearance.
Inaasahang maraming celebrity friends ni Sharon ang susuporta sa fund-raising concert gaya ni Regine Velasquez na nakalikom ng P4.2 million sa kaparehong effort nito lang.
Take note, nag-donate ng P1-million sa fund-raising concert ni Regine. Si Regine kaya?
BOTO
Ayos naman pala ang maglolang Pilita Corrales at Janine Gutierrez.
Matatandaang napagalitan ni Mamita (tawag ni Janine sa kanyang Lola Pilita) si Janine sa comment nitong, “Oh no” bilang pagtutol sa pagbabalik- TV ni Senator Bong Revilla sa GMA7.
Nagalit pa nga si Lotlot de Leon (Janine’s mom) dahil dito.
Kung anu-ano’ng posts sa socmed bilang patutsada kay Pilita ang inilahad niya. No comment lang ang huli.
Sa YouTube account ni Janine ay nagkausap sila ni Mamita. Tinanong niya ito kung like ba nito si Rayver Cruz?
Sagot naman ng kanyang Mamita, “Yes, I do. I like Rayver very much. Very respectful, nice, very talented, wonderful dancer. You make a nice pair together.”
Ikaw na talaga Rayver!
