SA isang post ni Janine Gutierrez sa socmed kamakailan ay ginawan niya ng meme ang controversial birthday party ni National Capital Region Police Office (NCRPO) Chief Major General Debold Sinas.
Ginamit niya ang isang photo ng alleged celebration at isiningit niya ang kanyang mukha dito na parang kasama siya sa mga wellwishers ng heneral.
Ginaya rin ni Janine ang sinabi ni Sinas na edited ang photos. Na last year pa raw yun, at pati ang suot nitong damit ay inulit lang din daw.
May video post pa si Janine na kunwari’y nag-aayos siya na ang caption ay “Me getting ready for my ‘accidental’ birthday party.” Ito rin kasi ang sinabi ni Sinas na accidental lang ang kanyang birthday party.
Naku, huh! Aliw ang meme pero ang lakas ng patama!
NAGKAALAMAN
Kaaliw ang game na nilaro nina Ryan Agoncillo, Judy Ann Santos at Jericho Rosales sa socmed recently.
Ito ay para sa “Gabi Na Naman With Jericho Rosales” kung saan nag-iimbita si Echo ng mga makakakulitang celebs.
Patok ang gimik na ito ni Echo, huh! Ito nga at tila dumarami na ang tumututok sa online series.
Anyway, sa segment, napatunayan kung gaano kakilala nina Juday at Ryan ang isa’t-isa. Halos lahat ng sagot nila tumpak.
Alam ni Ryan kung ano favorite expression ni Juday pati na ang crush nito.
Napag-alaman din sa segment na crush ni Ryan si Heart Evangelista, something na ikinagulat ni Echo.
Inasar siya ni Juday: “O, sino’ng pinagpawisan?” Tameme si Echo.
Common knowledge na naging girlfriend ni Jericho si Heart.
Sa isang interbyu nga’y sinabi noon ni Heart na si Echo ang greatest love niya. Sadly, hindi sila ang nagkatuluyan.
Kasal na si Heart kay Chiz Escudero while Echo found his forever in Kim Jones naman.
