BY REGGEE BONOAN
*
NAGTAPING na si Angel Locsin nitong Biyernes para sa bago niyang show na “Iba ‘Yan!”
Mapapanood ito sa Kapamilya Channel simula Hunyo 14.
Excited ang aktres sa pagbabalik niya sa Kapamilya network hindi bilang artista kundi bilang show host na unang beses niyang gagawin sa karera niya.
Lumabas nga si Angel sa kanyang comfort zone bilang aktres na mina-mani lang niya, base na rin sa mga Best Actress awards na natanggap niya sa napakaraming award giving bodies.
Base na rin sa caption ni Angel sa poster ng “Iba ‘Yan!” sa kanyang IG account, “Angel Locsin po. Bida sa pelikula, bida sa teleserye. Pero dito, hindi po ako ang bida. Samahan n’yo po kaming ibida ang mga nakakamanghang kuwento ng mga Pilipino.”
Take note ang direktor nang show ay walang iba kung hindi si Neil Arce.
