HINDI kami makapaniwala na single pala itong si Yen Santos.
Bukod sa maingay ito ngayon dahil na rin nga sa maganda niyang performance sa hit na teleseryeng “Halik,” seksing-seksi at napakaganda nito.
Ilang beses na rin nga nitong kinabog ang mga netizens sa pamamagitan ng pag-post ng mga litrato sa Instagram kung saan lantad ang kanyang hubad na kariktan.
Nang tinanong namin ito minsan kung bakit wala pa siyang boyfriend, ani ng 26-year-old, “Medyo pihikan talaga ako.”
“Wala naman masama na maging mapili dahil ang tagal ko na rin kasing naging single,” eksplika pa niya. “Sanay na ako.”
May ganun?
“Siguro talagang hinihintay ko na ang the one,” diin ni Yen. “Gusto ko kasi kapag nagkaroon ako ng boyfriend, siya na ‘yung makakasama ko talaga sa buhay.”
“Kasi 26 na ako, so parang ang mindset ko pag nag-30 ako mayroon na akong pamilya,” dagdag pa niya.
Apat na taon nang walang boyfriend ang dalaga. Kaya tinanong namin siya kung ano ang pinaka-miss niya sa pagkakaroon ng karelasyon.
Sey naman niya, “Nakaka-miss ‘yung palaging may ka-text ka, ‘yung nag-good night sa ‘yo, good morning, ‘yung may nagsasabi ng ‘I love you,’ ‘yung pagsasabihan ko din ng ‘I love you, too.’”
Kaya pala tila ganun na lang siya kagigil sa mga kissing scenes niya with her leading men sa “Halik” na sina Jericho Rosales at Sam Milby.
“Grabe! Hindi naman gigil,” aniya sabay tawa ng malakas.
If I know… (DELIA CUARESMA)
