Patuloy ang pagtulong

BY REGGEE BONOAN

*

NAMUMRUBLEMA si Aiko Me­lendez hindi para sa sarili kundi para sa mga kababayan nating kapos lalo na at extended ang Enhanced Community Quar­antine.

Inamin ng aktres na hindi siya nakakatulog dahil dito.

“Kasi nagi-isip ako kung paano pa maka-help sa mga needy, alam mo naman, lalo’t na-extend ang ECQ. Paano na ‘yung mga no work, no pay? Sana marami mag donate para marami pa kami matulungan.”

Aktibo si Aiko sa pagtulong sa frontliners sa iba’t ibang hospitals at talagang hindi siya nahihiyang magsabi sa mga kaibigan niyang non-showbiz at showbiz for donations.

“Yung PPE’s nag-ask kami do­nations sa mga kaibigan namin na artista at private sectors tulad nina Carmina (Villaroel-Legaspi), Gelli (de Belen), Pops (Fernandez), Katrina Halili, Ogie Diaz, etc.

Bukod doon ay namigay pa ng food packs sina Aiko kasama ang boyfriend niyang si Jay Khonghun, Vice Governor ng Zambales. Katulong daw nila dito ang mga senador na sina Bong Go, Bato dela Rosa at Cynthia Villar.

Siyempre pa, hindi rin naka­limutan ni Aiko bigyang ayuda ang mga taga-media na no work, no pay.

Masaya ring nasabi ni Aiko na extended ang “Primadon­nas” at kakapirma lang niya ng extension contract.