Home » Entertainment » Gelli refutes rumored separation from Ariel

Gelli refutes rumored separation from Ariel

16gelli and ariel instagram copy copy

Mariing pinabulaanan ni Gelli de Belen ang tsismis na nagkahiwalay daw sila ng asawa niyang si Ariel Rivera.

“Hindi naman kami nagkahiwalay. Ewan ko nga e. Hindi kami nagkahiwalay, hindi nagkaproblema. Ni hindi kami nag-aaway, so wala e,” paglilinaw ni Gelli nang mag-guest siya sa ABS-CBN morning talk show na “Magandang Buhay”.

Pero paano nila hinarap mag-asawa ang tsismis na ito? “Si Ariel nagugulat. Nagulat pa siya kasi tinawagan siya ng ka-golf niya. Sabi daw ng ka-golf niya, ‘Uy, pare, are you okay?’ Sabi ni Ariel, ‘Yeah. Why?’ ‘Because it’s coming out na nagkakaproblema raw kayo ni Gelli. Nagkahiwalay daw kayo.’ Sabi niya, ‘Really?’ Tapos sinabi niya sa akin, ‘Uy, may lumabas na ganito, ganito.’ Sabi ko, ‘O, talaga? E di sige.’ Tapos sabi niya, ‘Grabe, worried sila for me.’ Sabi ko, ‘E di taray! They’re your friends, they love you.’”

Hindi na lang daw sila nagpapaapekto sa mga ganitong tsismis dahil nga malaki ang pagmamahal nila sa kanilang pamilya lalo na sa kanilang dalawang anak na sina Joaquin at Julio. Importante rin daw na pareho silang family-oriented at hands-on parents. (Glen P. Sibonga)

comments